das isch ds

guugi bössli

geborä aus
VW TYP2 T3
   

 

schpetzieus:
(sit i bim zovi bi)

radarkontrollenä (buessenä): 0
polizeikontrollenä: 0
zollkontrollenä (mit uspackä): 1.1/2
parkbuessä: 4
mi la schtah (pannenä): 2

guugi's läbeslouf

äs isch am 01.03.1980 ufd wäut cho u het stouzi 1800kg gwogä. me het gmerkt, dass es äs stramms cheibli us ihm git. drum darf är itz mit 560kg nutzlascht umäfüehrä.

wos it schwiz importiert wordä isch, hets aus 5 plätzer si erscht uswyys becho. aus erstä bsitzer hets ar firma hans siegrist + co ghört. denzumau het mä nä no aus rots bössli in winterthur gseh umä fahrä.

       
   

bis 1995 isch är immer bi sim erschtchöifer blibä. Daderzwüschä weis är leider nümme gnau wiä är zu sim westfalia dach isch cho. plötzlech hets nä aber packt u isch uf friburg zu sinä nöiä bsitzer.
ja, das si jungi typä mit viu schpöitz. si hei nim ä schönä nöiä laminat bodä gschänkt! chli innereiä abgänderet u nihm vorauem sis nöiä desert-look gwändli verpasst.

natürlech isch är i viunä länder gsi. hett kilometer um kilometer abgliiret u isch derbi oh nid jünger wordä. äs si geng wiä meh reparaturä fällig wordä.

       

 

     

nach 20 jahr uf em buggu het är de afä äs angers getriebe becho. drü jahr speter ischs de mit em motor o sowit gsi. das het natürlech rächt chöschtä verursacht u so si diä bsitzer enang äuä chli id haar gfahrä. so hei si beschlossä, dass är sich ä nöiä bsitzer geit ga suechä.

trurig u am vor sich häräroschtä, isch är irgendwo im friburgerland am strassärand gstangä u het sich scho mit em gedankä a schrottplatz vertrout gmacht.

da isch ihm sonä glüngi, längluegend vor dr nasä dürä gfahrä. är het no chli glieböigelet, doch so schnäu wiä är cho isch, so schnäu isch är o wider wäg gsi. cirka ä wuchä speter isch dä pleger aber wider uftoucht. diä zwe si churzum füür u flammä gsi. nid lang speter isch är ihm mit u-nummero u em weidli-rally team go läbä iihuchä.
zämä si si de is ämmitau zu sim nöiä wohnort gfahrä.

           
   

natürlech isch är no chli igroschtet gsi. zum prüefä hets ämu ä rächti generauüberholig bruucht. aschliessend isch är mit em nä nöiä uswyys aus cämper im handschuäfach vom prüefschtand cho. churzum hets nä de is wallis u aschliessend uf paris zogä wo är diä luft vor spannendä cämpierwäut wider het chönnä schnupperä...
Was är witer het erläbt u was är no vor het gsesch it trip-gallery und im kaläder ... viu spass... =)

 


diä länder hani scho gseh:

Schwiz, Frankrich, Italiä, Sloweniä, Kroaziä, Korsika(FR), Dütschland, Öschtriich (numä hurti), Holland, Spaniä us Ämmitau =P